Алдаш 1996 ж. Қ.А.Яссауи атындағы Халықаралық қазақ-түрік университетінің (Түркістан қ.) экономика факультетін үздік аяқтап, «Әлем экономикасы» мамандығы бойынша экономика бакалавры, 1998 ж. Халықтар достығы Ресей университетінің (Российский университет дружбы народов (РУДН) (Мәскеу қ.) экономика факультетін үздік бітіріп, «Менеджмент» мамандығы бойынша экономика магистры дәрежелерін алды. Сол жылдан бастап 2001 ж. дейін Алдаш Халықтар достығы Ресей университеті (РУДН) аспирантурасының күндізгі бөлімінде оқып, 2002ж. экономика ғылымдарының кандидаты ғылыми дәрежесін алу үшін диссертация қорғаған. Диссертация тақырыбы: «Халықаралық тәжірибеде әлеуметтік серіктестіктің қалыптасуы және дамуы». Экономика ғылымдарының кандидаты.
Алдаш 2010 ж. қыркүйек айынан 2011 ж. тамыз айына дейін Қазақстан Республикасы Президентінің «Болашақ» Халықаралық бағдарламасы арқылы Лондон Колледж Университетінде (UCL) (Лондон қ.) оқып, «Мемлекеттік саясат» мамандығы бойынша ғылым магистры дәрежесін (MSc in Public Policy) алды. Диссертация тақырыбы: «Транзиттік экономикалық мемлекеттердегі (Ресей және Қазақстан үлгілерінде) монополияға қарсы саясаттың тиімділігін жоғарылату факторлары».
Жұмыс тәжірибесі
2001-2002 жж. Алдаш Халықтар достығы Ресей университетінің (РУДН) экономика факультетінде магистрлерге «Баға белгілеу» және «Әлеуметтік серіктестік» пәндері бойынша дәріс оқыды.
2003-2004 жж. Алдаш Қазақстан Республикасы қаржы полициясы Академиясы жанындағы Ғылыми-зерттеу орталығын басқарып, экономикалық қылмыс және жемқорлық мәселелерін зерттеді.
2003-2008 жж. аралығында ҚР экономикалық қылмысқа және сыбайлас жемқорлыққа қарсы күрес агенттігінде (қаржы полициясы) Басқарма бастығы қызметін атқарды.
2008-2012 жж. аралығында ҚР Бәсекелестікті қорғау агенттігінде (Монополияға қарсы агенттік) Департамент директоры қызметінде жұмыс істеді.
2012 ж. бастап «Бәсекелістік саясатты дамыту және қорғау» АҚ-ның вице-президенті.
2012 ж. қараша айынан бастап «Бәсекелістік саясатты дамыту және қорғау» АҚ президентi қызметін атқаруда.
Алдаш қазақстандық, ресейлік, еуропалық басылымдарда жарияланған еңбек қарым-қатынасын реттеу, экономикалық қылмыс және монополияға қарсы реттеу тақырыптары аясында жазылған 30-дан астам ғылыми жарияланымдардың, 2 монографияның авторы.